Promozio buruz buruko txapelketa hurrengo asteburuan hastea ari dira aurreikusten EPELeko kideak. Bien bitartean aurre kanporaketa irabazi zuen Jon Erasunek atzo Ataunen.
Bien bitartean maila nagusian, Dario Gomez da final-laurdenetarako sailkatu den lehen pilotaria. Atzo, 22-7 hartu zuen mendean etxeko pilotaria, Iraitz Zubizarreta. Dariok Iker Irribarria izango du aurkari final-laurdenetan.
Gaur, berriz, Oinatz Bengoetxea eta Asier Agirre ariko dira elkarren aurka Amurrion (17:30, ETB1). Altuna III.ak eta Peña II.ak bihar jokatuko dute, Eibarren, eta irabazleak Ezkurdia izango du aurkari final-laurdenetan. Jakak Eibarko jaialdian jokatuko du bere partida, Bakaikoaren aurka, eta irabazleak Urrutikoetxea izango du zain.