Feminismoaren oinarriak landuko dituzte datorren asteazkeneko solasaldian: Feminismoa zer den, feminista izateak zer suposatzen duen… Mota horretako gaiei buruz eztabaidatuko dute, adin-tarte guztietako emakumeak elkartuta.
Aforoa kontrolatu ahal izateko, ezinbestekoa izango da aurrez izena ematea Zizurkilgo udal bulegoetan edo 943 69 10 12 telefono zenbakian (4. aukera). Tertulia horretan landuko diren gaiei buruzko testuak eskuratu ahal izango dira aurrez, nahi izanez gero, Zizurkilgo udal bulegoetan.
Zinegoak Zizurkilen
Hurrengo astean, hilaren 28an, Zinegoak, Bilboko 17. Gaylesbotrans Nazioarteko Zinema eta Arte Eszenikoen Jaialdiko lan onenen sorta ikusteko aukera izango dute Zizurkilen, 19:00etan, Plazida Otaño liburutegian.