Herritarren artean zabaldu den bandoan aipatzen denez, "udalak urteak daramatza aldarrikatzen giza eskubide guztiak herritar ororentzat, eta nola ez, baita euskal presoentzat ere". Udalak esaten du presoek hamarkadak daramatzatela salbuespen politika jasaten, "oraindik indarrean dirauen mendeku politika da hori, Euskal Herrian gehiengo sozial eta politiko handi batek aldaketa aspalditik eskatzen duen arren".
Larunbatean, zizurkildarrak Zarate Aitz mendira igoko dira Sare herritarraren ekimenarekin bat eginez. Herriguneko aparkalekutik oinez abiatzeko deialdia egin dute, 08:30etan.