Diru laguntzen helburua tokiko jarduera sustatu eta suspertzea da, eta bide batez, sektorearen jarduera ekonomikoa, enplegua eta lehiakortasuna mantentzea, COVID-19aren krisiak eragindako ondorioei aurre egin ahal izateko.
Inbertsioak egitea, ekipamenduak jartzea eta inbertsio horiek bideratzeko ikerketak egitea lagunduko da diruz deialdi honekin. Deialdia arautuko duten oinarriak Gipuzkoako Aldizkari Ofizialean argitaratu dira. Bertan ageri da, besteak beste, eskatzaileek jarduera ekonomikoen sailkapen nazionalean (JESN) zer sailkapen izan behar duten laguntza jaso ahal izateko.
Diruz lagundutako jarduerak 2020ko martxoaren 14tik abenduaren 31ra artean egin beharko dira. Halaber, fakturen datak eta bere ordainketak epealdi horren barruan egongo dira.
Eskaerak Udalaren erregistroan aurkeztu beharko dira, urriaren 15a bitartean. Establezimendu bakoitzeko laguntza eskaera bakarra aurkeztu ahal izango da.