Izena ematean, ikastaroaren ordainketa egin izanaren ziurtagiria aurkeztu beharko da. Bi edo ikastaro gehiagotan izena ematen duten pertsonek ordainketa bi epetan egiteko aukera izango dute: irailean ikastaro bat eta urtarrilean gainerakoak. Talde bakoitza sortzeko gutxieneko ikasle kopuru bat beharrezkoa izango da eta gehieneko kopuru bat finkatuko da talde bakoitzean, derrigorrezkoak diren distantziak mantendu ahal izateko.
Ikastaroetan izena ematen duten pertsonek udalak finkatutako protokoloak betetzeko konpromisoa hartuko dute: distantziak, garbiketa neurriak, musukoen erabilera... Protokolo hauek ikastaroak hasten diren momentuan emango zaizkio ikasle bakoitzari.Ikasturtean zehar beste konfinamendu bat bizi behar bada, udalak irakasleekin klaseak jarraitzeko modu egokiena adostuko du eta hauek bideratuko ditu. Modu birtualean jasotako klaseak, klase normal bezala kontatuko dira, eta ez da diru itzulketarik egingo.
Atxulondo kultur etxeko ikastaroak
Haurrentzat: antzerki tailerra.
Helduentzat: Patchwork, yoga, pilates aurreratua, forman jar zaitez, zumba, dancehall, ingeleseko mintzapraktika...
Iriarte kultur etxeko ikastaroak
Eskulanak, helduentzat gimnasia, memoria tailerra...
Bukalai dantza taldea
Zortzi talde osatu dira eta ikastaroak astearte, asteazken eta ostegunetan emango dira.
Loatzo Musika Eskola
Informazio gehiago nahi duenak 943 69 18 57 telefono zenbakian.
Ziotza Pilota Eskola
Benjamin, alebin, kadete eta infantilentzat pilota eskola izango da, neska eta mutilentzat Intxaur pilotalekuan. Prezioa 50 euro.