Koronabirusa

Segurtasun neurriak betetzeko deia luzatu du Zizurkilgo Udalak

Egoera kontroletik kanpo ez ateratzeko elkar zaintzea dagokigula aipatu dute udal ordezkariek eta segurtasun arauak betetzearen garrantzia azpimarratu dute.

"COVID- 19a gure artean jarraitzen duela ageria geratu da egunotan. Positiboen kopurua ostera areagotzen ari da eskualdean", esan du Zizurkilgo Udalak bando batean.

Segurtasun arau hauek betetzearen garrantzia azpimarratu nahi izan du:

  • Maskara edo musukoaren erabilera. Distantzia bermatzen ez den guztietan derrigorrezkoa da baina ahal bada kalean une oro erabiltzea da gomendatzen dena.
  • Segurtasun distantziari eustea. Metro eta erdiko gutxieneko distantziari eustea da dugun neurri eraginkorrena ez kutsatzeko.
  • Eskuak sarri garbitzea.
  • Igandean botoa emateko maskara derrigorrezkoa izango da. Arduraz, udalak boto eremua berrantolatu du denon segurtasuna bermatzeko.

Herrian egoerak duen garapenaren arabera Zizurkilgo Udalak krisi mahaia deituko du ostera ere eta ez du baztertzen neurri gehiago hartzea. Era berean, osasun sailari, informazio gardena ematea eskatzen dio.                                                                                                                                                                

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!