Aukeraketa egiteko, irizpide hauei erreparatuko zaie: Zizurkilen erroldatuta egotea eta kontziliazio arazoak dituzten familiak izatea. Horretarako, guraso, arduradun edo tutorearen lan egoerak kontuan hartuko dira. Programa honetara egokitzen ez diren familiek udalarekin harremanetan jartzeko aukera izango dute, eta kasu bakoitza banan-banan aztertuko da.
Uztailean eskainiko da elkar zaintza programa eta hilabetea lau astetan banatuko da: uztailak 6tik 10era, uztailaren 13tik 17ra, uztailaren 20tik 24ra eta uztailaren 27tik 30era. Asteka edo hilabete osorako eman ahal izango da izena. Aste batean gutxieneko ume kopurua osatzen ez bada, zerbitzua bertan behera utzi ahal izango du udalak.
Elkar zaintza programa 6 eta 12 urte arteko haurrentzat prestatu dute, 2008 eta 2013 urteen artean jaiotakoentzat, eta astelehenetik ostiralera, goizero 08:30etik 13:30era eskainiko da eta kanpoan egin daitezkeen ekintzak lehenetsiko dira.. Hasiera eta bukaerako orduak zorrotz beteko dira. Zaintza euskara hutsean egingo da, zaintzaile bakoitzeko 5 umeko taldeekin (adinean ahalik paretsuenak, eta familia-unitateak mantenduz). Taldeek ez dute elkarren artean harremanik izango. Oporretan Euskarazeko begirale hautagaiak izango dira zaintzaileak.