Konfinamendua arintzearekin batera dator aurten San Joan bezpera. Osasun gomendio nagusia jende pilaketak saihestea izanik, Zizurkilgo Udalak eta Bukalai dantza taldeak ez dute bideragarri ikusi Herrigunean nahiz Elbarrenan San Joan sua piztu eta ohiko dantzak egitea.
"Udan zehar, ahal bada, pixkanaka hasiko gara ekimenak egiten, baina beti ere segurtasun eta distantzia neurriak errespetatuz. Ez dugu lasterka egin nahi, egiten den hori ondo egin baizik”, azaldu du Maite Amenabar kultura zinegotziak.
Udalak deia egiten die herritarrei San Joan bezpera arduraz gozatzera.