Eudeletik jasotako udarako gomendioen artean herrietan antolatzen diren udaleku irekiak bertan behera uzteko gomendioari kasu egingo dio Zizurkilgo Udalak.
"COVID-19a dela eta sorturiko egoerak ez du bermerik ematen, behar diren neurriak hartuz, udalekuak antolatzeko, beraz Zizurkilgo Udalak udalekuen antolaketa lanak bertan behera uztea erabaki du", jakinarazi du Iker Urruzola alkateak.
Egoera aldatuko balitz, eta momenturen batean gomendioak desberdinak izagno balira, udalak berriz ere udalekuak antolatzearen aukera aztertuko luke. "Guztion, eta bereziki gure umeen osasunaren alde erabaki zentzudunena dela uste dugu", esan dute udaletik.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!