Liburuen izenburuekin kontakizun laburrak osatu dituzte

Aiztondoko Plazida Otaño liburutegiak etxealdirako erronka proposatu zien irakurleei. 12 pertsonek hartu dute parte ekimenean.

Euskarazko liburuen izenburuekin kontakizun laburrak sortzea eta bideo bat grabatzea zen erronka.  12 pertsonek hartu dute parte eta liburuzainek aipatu dutenez, oso zaila egin zaie saria ematea. "Adituei bidali genien eta azkenean, denetatik 7 saritu ditugu", nabarmendu dute.
 
Liburu sorta bat jasoko du saridun bakoitzak. Astelehenero, Plazida Otaño liburutegiko sare sozialetan zintzilikatuko dituzte bideoak. Ikusgai dagoen hau, Bakartxo Urruzolarena da.
 
Hemen saridunak: Bakartxo Urruzola (Gasteiz), Maren Urkizu (Lasarte), Larraitz Uria (Hernani), Oihana Iguaran (Amasa), Lures Gorostegi (Zizurkil), Idoia Barandiaran (Zizurkil) eta Maialen Zazpe (Lizartza).

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!