Asteartetik, asteazkenera bitartean Zizurkilgo balkoiak dantzako osagarriz apaintzeko eskatu diete herritarrei. Abarkak, alpargatak, zapiak… zintzilikatzera animatu ditu, Zizurkil herri dantzaria eta dantzazalea dela agerian uzteko.
Bukalai dantza taldeak urteak daramatza euskal dantza Zizurkilgo haur eta gaztetxoei irakasten, eta une honetan talde handia dauka bere atzean, 5 urtetik 18 urtera arteko neska-mutilez osatua.
Dantzaren Nazioarteko Eguna plazetan ospatzeko aukerarik ez denez izango, balkoien bidez egun hori gogoan izatea lortu nahi dute Bukalai dantza taldeak eta Zizurkilgo Udalak.