Lanak aurkezteko azken eguna apirilaren 30a izango da. Argazkiak kamera digitalarekin edo telefono mugikorrarekin atera beharko dira. Argazkiei ukituak eman dakizkieke kalitatea hobetzeko iragazki orokorrak aplikatzeko badira. Hala ere, ez dago baimenduta operadore orokorrak erabiltzea, elementuak gehitu edo kentzeko, hainbat argazki nahasteko edo jatorrizko konposizioa aldatzeko.
Lehiaketan parte hartzeko zizurkiliburutegia@gmail.com helbidera bidali beharko dira argazkiak, gaia bezala Argazki lehiaketa 2020 jarrita. Mezuan izena, abizenak, nortasun agiriaren zenbakia, jaiotze data eta posta helbidea agertu beharko dira, norberaren herria eta helbidea agertzearekin batera. Pertsonako gehienez hiru argazki aurkeztu ahal izango dira.
Aiztondo bailarako gazteentzat 100 euroko saria banatuko dute eta beste hainbesteko saria emango diote bailaratik kanpoko gazte irabazleari. Fotoprix produktuetan gastatzeko 30 euroko 10 sari ere banatuko dira parte hartzaileen artean.