Zizurkilen hainbatetan izan diren abesbatzen doinuak entzutera gonbidatu ditu herritarrak Zizurkilgo Udalak. Landarbaso Errenteriako abesbatzena, esaterako. Udaletik gogoratu dute behin baino gehiagotan izan direla herrian euren musika eskaintzen, eta kontzertuetara hurbildu diren herritarrek "asko gozatu" dutela. Euren historia eta ibilbidearen Berri ere eman dute: "Landarbaso abesbatza 1991. urtean sortu zen eta gaur egun batez beste 29 urteko adina duten 43 abeslarik osatzen dute. Iñaki Tolaretxipi da taldearen sorreratik zuzendaria, punta-puntan dagoen egungo gipuzkoar zuzendari onenetarikoa. Abesbatzak oso programa zabala lantzen du, garai eta estilo desberdineko obra profano zein sakroak ere abestuz. Abesbatza musika sorkuntza lana bultzatu eta euskal folklorearen harmonizazio lana egiten du, proposamen musikal berritzaileak eskainiz. Landarbasok azken urte hauetan nazio mailako zein nazioarteko ziklo, lehiaketa eta kontzertu askotan parte hartu du, eta lau sari nazional eta nazioarteko beste 14 lortu ditu.
https://www.youtube.com/watch?v=px0EmVF2bKE