"Aberri Eguna gain-gainean dugu, iganderako egun batzuk baino ez dira falta, baina aurten ezingo gara kalera atera gure aldarrikapenak egitera", esan dute Zizurkilgo Udaletik.
Hori dela eta, dei egin diete herritarrei etxeko guztiak elkartu eta ikurrinak egitera, etxeko balkoiak janzteko. Paperez, kartoiz edo bakoitzak nahi duen materiala erabiliz, ikurrinak egitera gonbidatzen dituzte zizurkildarrak.
Ondoren, udal arduradunek eskertuko lukete balkoiaren argazkia ateratzea eta bulegoa@zizurkil.eus helbidera bidaltzea, argazki guztiak Kultura eta Euskara Sailaren Facebookeko orrian zintzilikatu ahal izateko.