Koronabirusa

Familian egiteko lego lehiaketa jarri du martxan Plazida Otañok

Tolosaldeko Ataria 2020ko api. 4a, 13:05

Koronabirusa suntsituko duen munstro, robot edo artefaktua asmatzeko proposamena luzatu dute liburutegitik. Argazkia atera eta 630 15 92 63 telefonora bidali beharko da, apirilaren 30a baino lehen.

Legoko piezekin egin beharko da munstro, robot edo artefaktua eta liburuzainek aipatu dutenez, nahiz eta kontu serioa izan, umorearen erabilera baloratuko dute.

Lanak WhatsAppera bidali beharko dira familiaren bi abizenak, herria, probintzia, harremanetarako telefono zenbakia eta helbide elektronikoa adierazita. Gero kultura saileko langileek erabakiko dituzte sariak, maiatzaren 6an.

Sari bat egongo da Aiztondo bailarako familientzat eta 30 euro eskuratuko ditu familia horrek Fotoprix-eko online produktuetan gastatzeko; Beste horrenbeste gastatu ahal izango du, Aiztondotik kanpora sariduna suertatzen den familiak.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!