Koronabirusa

Zizurkilgo Udalak protokoloak finkatu ditu boluntario sarearen jarduna kudeatzeko

Tolosaldeko Ataria 2020ko mar. 28a, 18:35

Zizurkilgo Udalak, orain, protokoloak finkatu ditu, boluntarioen sarea eta beharra dutenena ahalik modu egokienean kudeatzeko, eta, uneoro, segurtasun eta babes neurriak indarrean egongo direla bermatzeko.

Zizurkilgo Udalak boluntarioen sarea eratzeko deialdia egin zuenetik, herritar ugarik deitu dute udalera beren laguntza eskaintzeko. Hainbat eratako jardueretarako eskaini dute beren burua.

Gainera, udalak, sarearen kudeatzaile eta bitartekari gisa, bere buruari ere izendatu dizkio betebeharrak, eta horiek guztiak kontsulta daitezke argitara eman duten protokoloan.

Zizurkilgo Udalak gogoratu du, halaber, oraindik aukera badagoela izena emateko, bai boluntarioen taldean, bai laguntza beharra dutenen taldean ere.

Azkenik, eskerrak eman nahi dizkie boluntarioen taldean izena eman dutenei, lankidetza eta elkartasuna beharrezkoak baitira egungo alarma-egoera honetan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!