Zizurkilera bizitzera joandako emakumeen sarea osatzeko asmoz jarri dute martxan ekimena eta lehen bileraren ondotik, bigarrena martxoaren 6an egingo dute, 10:00etan Atxulondo kultur etxean.
Hainbat jatorritako emakumeak bildu ziren lehenengo hitzordu hartan, eta ekimenak jarraipena izango du, gaiarekiko interesa eta partaideen prestutasuna kontuan hartuta.
Lehenengo topagunean aljeriar, marokoar eta nigeriar jatorriko emakumeak bildu ziren, batez ere, bai eta Hego Amerikako emakume bat ere. Sarea zabaltzea eta sendotzea ere badenez asmoa, aurrez aurreko eta ahoz ahoko gonbidapenak zabaltzen jarraitu dute, eta lehenengo hitzordura bildutakoak eurak ere mezulari bihurtu dituzte, emakume horien guztien errealitatea ikusgai egitea eta herrian ezagutzera ematea lortu nahi baitute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
