Zizurkilgo Udala eta herriko merkari eta ostalariek, bertako merkataritza eta ostalaritza sustatzeko eta indartzeko, gaurko eguna, otsailak 29a (bisurtea) aitzakia bezala hartuta, 2 XEXTO edo saskiren zozketa egin dute eguerdian, Joxe Arregi plazan. Aurretik Erraldoien kalejira egin dute.
Zozketa egin berritan, ez da irabazlerik agertu plazan. Honako zenbakiak atera dira: 20514 eta 20254.
Otsailean zehar, udalak txartel bat banatu zuen etxez etxe eta txartel horren trukean zozketarako 10 zenbaki oparitu dira herriko komertzio eta tabernetan eta egin dute bost euroko gastu bakoitzeko, bina zenbaki eskuratu dituzte. Guztira 32.000 zenbaki banatu dira herri guztian.
Saritutako zenbakiaren jabea hamabost egunetan azaltzen ez bada berriro egingo da zozketa. Zenbakia ikusgai egongo da herriko denda, taberna, udal bulegoetan eta udalaren web orrian.