Zizurkilgo Udala eta herriko merkari eta ostalariek, bertako merkataritza eta ostalaritza sustatzeko eta indartzeko, otsailak 29a (bisurtea) aitzakia bezala hartuta, 2 XEXTO edo saskiren zozketa egitea erabaki zuten.
Otsailean zehar, udalak txartel bat banatu zuen etxez etxe eta txartel horren trukean zozketarako 10 zenbaki oparitu dira herriko komertzio eta tabernetan eta gasturen bat eginez gero zenbaki gehiago jaso ditu erosle bakoitzak. Guztira 32.000 zenbaki banatu dira herri guztian eta Zizurkilgo taberna eta komertziotan eskuragarri daude.
XEXTOetan parte hartu duten komertzioen produktuak eta “baleak” egongo dira.
Saritutako zenbakiaren jabea hamabost egunetan azaltzen ez bada berriro egingo da zozketa. Zenbakia ikusgai egongo da herriko denda, taberna, udal bulegoetan eta udalaren web orrian.