Ekimenean parte hartzen duten familiei eskatu zaie, aiton-amonei ahozkotasunarekin lotutako ipuinen bat, kanturen bat edota esku jolasen bat kontatzeko eta jasotakoarekin osatu dute erakusketa liburutegiko hemerotekan.
Motxila Ibiltariaren hurrengo misioa ere zehaztu dute liburuzainek. Bi zomorroren nahasketatik sortzen den izaki berri bat asmatu beharko dute familiek eta eskulan batean irudikatu beharko dute zomorro berria. Dagoeneko lehenengo asmakizunak agertu dira liburutegian. Behin guztiak bilduta beste erakusketa bat egingo dute Plazida Otañon.
