Iragarri bezala, eguerdian ekin diote festari eta protestari, Zizurkilen. Saihesbidearen aldeko hitzordura deituta ziren herritarrak, eta hala bertaratu dira, dozenaka.
Antolatzaileek argitu dute, gaurkoa ez zela elkarretaratzeko eta adierazpenak irakurtzeko eguna: "Festa giroan egin nahi dugu gaurkoa, eta horretarako antolatu dugu pintxo potea ere". Zizurkildarrek, horrela, mokadu bat dastatu, eta Biala orain! leloa daramatzen banderolak eskuratzeko aukera izan dute plazan. Erraldoiek ere bat egin dute saihesbidearen aldeko aldarriarekin.