Hernani eta Albizturko aiton-amonen gora beheren harira nahiko barre egin dute goizean. "Haiek bai zirela #hitzolariak, hamaika hitz berezi erabilitakoak", esan dute ikastetxetik.
Arratsaldean Zizurkilgo Elena Gabirondo ikerlariarekin esperimentu desberdinetan aritu dira Pedro Mari Otaño ikastetxean.
Aste osorako ekitaldiak iragarri dituzte Euskararen Astea ospatzeko:
Abenduak 3, asteartea
10:00. Haur Hezkuntzako jolasak.
11:00. LHko 1, 2 eta 3. mailakoen ipuin kontaketa Fraisoroko aiton amonekin.
15:30. HH eta LHko ikasleek armiarma sarea ekimena egingo dute Joxe Arregi plazan.
Abenduak 4, asteazkena
15:00. LHko ikasleen pintxo lehiaketa.
Abenduak 5, osteguna
10:30. HHko 4 eta 5. mailakoek gozogintza landuko dute Fraisoroko aiton-amonekin.
15:10. Herri kirolak eta gaztaina jatea egingo dute frontoian.
