Aurten, Hernandorena kaleko hamabost janari postuak goizez bakarrik egon dira zabalik. Haurrek ere izan dute bere txokoa, artisautzako tailer ezberdinekin, puzgarriekin eta pottokekin. Besteak beste, papera egiten ikasi ahal izan dute. Baina ez hori bakarrik. Aurten, berrikuntza modura, toki berezia izan dute pottokek, eta beraz, horien gainean paseoak emateko aukera izan dute txikienek zein gaztetxoek. Goizean, erakusketa bat jarri dute, panel informatibo eta esku orriekin, jendeak pottoken inguruan gehiago jakin zezan.
14:30ean, berriz, bazkari herrikoia egin dute Zimiterioan. Bazkal ostean, 18:30ean, Gipuzkoako Harri Txapelketa jokatuko da, eta jarraian, eta aurten lehen aldiz, txakolin dastaketa egingo da eguna bukatzeko. Gipuzkoako hamar upategietako txakolinak izango dira.