Zizurkilgo Elbarrenan festa giroa da nagusi, baina kirola egiteko aukerarik ere ez da faltako. Gaur, ohiturari jarraituz, Danenak antolatuta Zizurkilgo XII. Kros Mistoa jokatuko da 19:00etatik aurrera.
Bost kilometroko ibilbidea da bikoteek osatu beharko dutena, eta lau itzuli eman beharko dizkiote zirkuitu berari. 2005. urtean edo aurrez jaiotakoek parte hartu ahal izango dute. Lasterketaren aurretik egingo dute txikienei zuzendutako lasterketa.
Izena lasterketa hasi baino ordubete lehenago eman beharko da, eta doakoa da. Lasterketa amaitzen duten lehenengo hiru bikoteek eskuratuko dituzte sariak, eta horrez gain, afariak zozkatuko dituzte parte hartzaileen artean. Dutxatzeko aukera egongo da lasterketaren amaieran.
Ondoren, barrikotea egingo dute Joxe Arregi plazan.