Motor klasikoek Fraisorora igotzeko indarra dutela erakutsi dute, gaur goizean egin den igoera kronometratuan. Guztira, hamabi parte hartzaile izan dira. Antolatzaileek esan dutenez, aurreko urtean baino batzuk gutxiago izan dira, eguraldi txarrarengatik edo. Hala ere, Zizurkilera hurbildu diren motor eta kotxeak askoz gehiago izan dira.
II. kotxe eta motor klasikoen topaketa ari dira egiten eta igoera kronometratuaz gain, beste hainbat ekintza ere burutu dituzte. Hain zuzen, Aiztondo bailaran ibilaldia egin dute; 14:30ean, bazkaldu egingo dute; eta 17:00etatik aurrera, kontzertua eta DJ-a edukiko dituzte.