Zizurkil Herriguneko jaiak 2019

Suziriari aurrea hartu diote oilasko biltzaileek

Txupinazo hotsik oraindik entzun ez badute ere, Zizurkilgo herrigunean festa giroan dira jada; goizean goiz ekin diote oilasko biltzeari. 

06:30ean egina zuten hitzordua, baserriz baserri oilasko biltzeari ekiteko, eta 14:00en aurretik herritarrak zain zituzten, oilasko biltzaileek, plazako dantza saioaz gozatzeko. Gaur arratsaldean, 19:00etan, Alatzne Etxaburuak botako du txupinazoa, baina suziri ofizialik ez dute behar zizurkildarrek: hasi da beren jaia. 

Herriko gazteek eutsi diote usadio zaharrari eta, etxez etxeko buelta amaitu eta plazako tabernei bisita egin eta gero, Axeri dantza eskaini diete bertaratutako herritarrei. Fandango eta arin-arina bukatzeko, zizurkildarrak sartu dituzte biribilean. 

Jaietako lehen hitzordua izan da oilasko biltzaileena, baina, iluntzetik aurrerako hitzordu guztietarako mezua zabaldu dute zizurkildarrek, talde argazkiarekin: eraso matxistarik ez. 

Larunbatera bitarte, ez dute aspertzeko betarik izango Zizurkilgo herrigunean. Ikusi egitaraua hemen

Erlazionatuak

Oilasko biltzaileen dantza, herritarren aurrean

Zizurkil

06:30ean eguna hasita, eguerdian amaitu dute, Oilasko biltzaileei, ohiko ibilbidea; Axeri dantza egin dute herriko plazan, jaiei ekiteko. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!