Ikasturtea bukatzear dagoen honetan, etxeko txikienek azken hilabete hauetan egin dituzten munstroak jarri dituzte ikusgai Aiztondoko Plazida Otaño liburutegian. Motxila ibiltarian jarritako misioari erantzunez, familia giroan egindako lanak dira. «Ederrak eta bitxiak», esan dute arduradunek. Denera 70 familiak eraman dute motxila ibiltaria azken 3 hilabetetan eta 122 umek hartu dute parte denetara.