Zizurkilgo Udalak, Elizpe jubilatu elkartearekin elkarlanean, Pausoka Adinak Ez Du Inporta ekimena egingo du ekainaren 12an, asteazkenean, 10:00etatik aurrera.
Ekimen horretan, Asteasuko bidegorrian zehar ibiliko dira adinekoak. Hiru ibilbide izango dituzte aukeran, luzera desberdinekoak, bakoitzaren gaitasunaren arabera bat edo bestea aukeratzeko.
10:00etan abiatuko dira denak batera Elizpe erretiratu elkartetik, eta 12:00etan hamaiketakoa izango dute Zizurkilgo Joxe Arregi plazako taberna batean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!