Txepetxa gazte asanbladak antolatuta, zortzigarrenez ari dira ospatzen Gazte Eguna Zizurkilen. Goiza tortilla patata lehiaketarekin hasi dute. Bien bitartean, toka, aulki jokoa, sokatira eta sokasaltoan aritu dira, nor baino nor. Tartean, tortilla irabazlea hautatu eta dastatzeko aukera izan dute sagardoaren laguntzaz. Goiza borobiltzeko, lehiaketa guztietako puntuak batu dituzte; bi taldeek puntu kopuru bera lortu dutenez, bi tiraldi egin dituzte sokarekin eta talde garaileak pasta kaxa bat eta xanpaina irabazi ditu.
Talde irabazlea erabaki aurretik, txepetxaren jaitsiera egin dute, eta bazkaltzera eseri aurretik taldeko argazkia atera dute. Arratsaldean, Matraka elektrotxaranga izango dute giroa alaitzen, eta iluntzean xolomoen ogitartekoak salduko dituzte zentro kanpoan. Eguna amaitzeko, Fan&Go taldeak eskainiko du kontzertua.