Gipuzkoako Enbak, maiatzaren 26ko foru hauteskundeak lurraldeko nekazariengan duten garrantziaz jabeturik, batzar nagusietara aurkezten diren alderdi guztiei luzatu die gonbita nekazaritza jarduera eta landa garapenari buruz eratu duten topaketan parte har dezaten.
Xabier Euzkitze izango da aurkezle eta moderatzaile lanetan ariko dena eta gonbita onartu duten hautagai bakoitzak aukera izango du, nekazaritzarako eta landa gunerako duen bere egitaraua agertzeko; Ondoren, politikari eta baserritarren arteko elkarrizketa zabalduko da, baserritarrek politikariei aurrez aurre galdetzeko aukera ezin hobea izanaz.
Topaketa, euskara hutsez ospatuko da eta apirilaren 5ean, ostirala, ospatuko da Zizurkilgo Fraisoro Nekazal Eskolan, 11:00etatik13:30era.
Ekitaldia irekia da nahi duen edonorentzat, baina interesa duen orok aurrez izena eman beharko du 943 65 01 23 telefonoan edo gipuzkoa@enba.eus helbidean.