Dantzan, poemak errezitatuz eta akrobaziak eginez omendu dute Joxe Arregi bere izena daraman Zizurkilgo plazan. Otsailaren 13an 38 urte bete ziren Espainiako poliziaren torturen ondorioz Arregi hil zenetik. Ekitaldira bertaratutakoek ez dutela ahazten esan dute eta Arregiren lorratzak oraindik hemen jarraitzen duela: “Memoria gordinaren gainean irribarre bat landatuko diagu. Iritsiko delako eguna , hirea, gurea, herri honena”, azpimarratu dute Arregiri eskainitako poeman. Ekitaldia loreak eta argizaiola eskainiz amaitu dute, eta ondoren, Urkamendi elkartera joan dira bazkaltzera.
Joxe Arregiri eskaini dioten poema