Jokotarte deitu diote, momentuz, Plazida Otaño liburutegian hileko hirugarren larunbatean egin nahi duten ekimenari. 11:00etatik 13:00etara izango dira saioak eta lehenengoa, urtarrilaren 26an izango da.
Rol-jokoarekin, irudimena eta espresioa landu nahi dituzte. Fantasiazko literatura gustuko duten gazte zein helduei zuzentzen dira, eta, bi orduz, mundu berri eta fantasiaz betetakoa sortuko dute 15 urtetik gorako gazteek, Beñat Madariaga zizurkildarraren gidaritzapean. Xakean, berriz, pentsamendua eta kontzentrazioa landu nahi dituzte, 10 urtetik gorako neska-mutilekin.
Oraindik izena emateko epea zabalik dago, eta horretarako, Plazida Otaño liburutegian eman beharko da izena.