Organikorako poltsak eskuratzeko aukera udal bulegoetan

Joan den abenduaren 17tik udal bulegoetan poltsa konpostagarriak jaso ditzakete.

2018ko urrian Hondakinen Programa martxan jarri zuten Zizurkilen. Ordutik, herritarren eskaera bat askotan errepikatu da: udalak poltsa konpostagarriak banatzea, hain zuzen ere. Ikusita poltsa hauek derrigorrez erabili behar direla organikorako, plastikoak ekidin eta organikoaren kalitatea egokia izan dadin, eta konturatuta garesti xamarrak direla, udalak eskaera horri erantzutea erabaki du.

Rollo bakoitzean 37 poltsa konpostagarri daude, eta 3 hilabetean behin jaso ahal izango dute herritarrek etxe bakoitzeko rollo bana.

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!