Pedaloak ere jarri dituzte umeen eskura eta zirkuitua marraztu dute plazan. Gaztetxo ugari gerturatu da jolasera.
Atzo TAKeko arraunlariek ergometroa jarri zuten plazako estalpe berrian eta nahi izan zuten herritarrek arraunean probatzeko aukera izan zuten. Ondoren, Atxulondo kultur etxean, emakume gazteentzako eskualdean kirola egiteko dauden aukeren berri eman zuten mahai inguru batean.
Gaur gauean, XXII. Gau Krosa egingo da Zizurkilgo kaleetan. 22:00etan 2006tik aurrera jaiotakoak aterako dira eta gainerako guztiak 22:30ean.
Bihar amaituko da Kirol Astea Zizurkilen eta honako egitaraua prestatu dute:
11:00. Halterofiliako XXV. Gabonetako torneoa Intxaur frontoian.
16:00. 3x3 saskibaloi txapelketa Ugare auzoko kantxan.