Karakterizazioak zabor poltsa nola osatua dagoen aztertzeko balio du; hau da, zein hondakin-gaik edo frakziok osatzen duten zabor poltsa. Horretarako udal brigadako langileek asteazken goizean, lurrean eta edukiontzien inguruetan aurkitzen dituzten zabor poltsak bilduko dituzte, bi edukiontzi bete arte.
Arratsaldean, edukiontzi horiek plazan hustu eta poltsen barruan dagoena aztertu eta sailkatuko da. Horrela, Zizurkilen arazo bat sortzen duten poltsa horiek, lurrean daudenak, zer konposizio duten ikusi ahal izango da.
Karakterizazioaren ondoren, 18:30tan, haurrentzako jolasak antolatu dira hondakinen gaia lantzeko. Herri kirolak, tribiala eta Monika organikoa panpina egiteko tailerra izango dira plazan bertan.
Abenduaren 12an, asteazkena
17:00. Karakterizazio publikoa. Gure hondakinek zer konposizio dute? Zer da zabor-poltsen barruan dagoena? Ongi sailkatzen dugu? Etorri eta ikusi!!
18:30. Hondakinekin jolasean. Herri kirolak, tribiala eta Monika organikoa tailerra