46 urteko langilea zendu zen igandean, larunbatean uzta makina batek harrapatu ostean izandako zauri larrien ondorioz. Osalanek egindako txostenak, Zizurkil eta Asteasu artean larunbatean izandako ezbeharra lan istripua izan zela baieztatu du.
Ondorioz, gehiengo sindikalak elkarretaratzea egingo du bihar, 13:00etan, Zizurkilgo Joxe Arregi plazan. Sindikatuek heriotzaren arrazoiak ikertzea eskatuko dute Lan istripu gehiagorik ez, prekarietatea hiltzaile lelopean egingo duten mobilizazioan. LAB sindikatuak jakinarazi duenez, Euskal Herrian aurten 57 langile hil dira, horietako hiru lehen sektorean. Nekazaritza arrisku handiko sektorea dela nabarmendu du sindikatuak eta gehitu du «jardunaldi luzeak, irregularrak, zarata eta estres termikoa» nagusi izan ohi direla.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!