Beste langile bat hil da AHTren obretan, eskualdean hirugarrena

Tolosaldeko Ataria 2018ko urr. 2a, 21:16

Segurtasun Sailak jakitera eman duenez istripua gaur 18:30ak inguruan gertatu da, Zizurkilen. 30 urteko behargina hormigoi-makina batetik behera erorita hil da.

Abiadura Handiko Trenaren Zizurkilgo tunela eraikitzeko lanetan hil da langilea. Larrialdi zerbitzuetako langileak bertaratu dira, baina ezin izan dute ezer egin haren bizia salbatzeko.

Joan den irailaren 22an, beste langile bat hil zen AHTren lanetan, Zornotzan. Eskualdean 2014an hil zen beste langile bat Abiadura Handiko Trenaren lanetan, Asteasun, eta 2011n, Tolosako Aldaba Txiki auzoan.

LAB sindikatuaren arabera, AHTren lanetan hil den zortzigarren langilea da Zizurkilen zendu den 30 urteko gaztea.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!