Andoain, Aduna, Alkiza, Asteasu, Amasa-Villabona, Anoeta, Irura, Larraul eta Zizurkilgo herritarrek hartu ahal izango dute parte hiru kategorietan banatuta (A maila 6-8 urte artekoena, B maila 9-11 urte artekoena eta E maila 17 urtetik gorakoena). Zizurkilgo Udalak antolatzen du lehiaketa, jendearen artean idazteko zaletasuna sustatzeko.
Gaia librea izango da eta erabili beharreko hizkuntza, euskara. A mailakoek orrialde bateko lana aurkeztu beharko dute, B mailakoek bi orrialdekoa eta E mailakoek gutxienez bost eta gehienez hamabi orrialdekoa. Aurkeztutako izenburuaren alboan egilearen izengoitia eta adina jarri beharko dira eta gutun azal itxi batean egilearen datuak (izen-abizenak, helbidea, telefonoa eta adina).
Epaimahai aditu batek erabakiko du lan sarituak zein diren eta opariak banatuko ditu lehen eta bigarren lan onenentzat A eta B mailetan. E mailan, berriz, lehen saria eskuratzen duenak 450 euro jasoko ditu eta bigarrenak oparia. Sari banaketa ekitaldia abenduaren 23an egingo da.