Olibak, moldeko ogia, arrautza egosia, saltxitxak, azenario xaflak, patata egosia, Lacasitoak eta Filipinoak. Guztia uztartu behar izan dute, goizean, Zizurkilgo Joxe Arregi plazan. Irudimena eta dastamena, biak dantzan jarri nahi izan dizkiete, haur eta gaztetxoei, Ombu guraso elkarteko kideek, eta talde bakoitzak bere ideia osatu behar izan du.
Talde lanarekin hasi dira lehenik: osagaiak ikusi, aztertu, eta haiekin egin litekeena pentsatu. Eztabaida eta inprobisazioa etorri dira gero eta, goi-sukaldaritzaren bidetik, zaporeari baino, estetikari begiratu diote neska-mutilek.
Helduen laguntza eta animoak izan dituzte, eta txikienek fruitu-burruntziak egin eta dastatu dituzte, gurasoekin.