Zizurkilgo Udalak proposatuta, Gaztezuloko gazteek hartuko dute parte mural margotzean aste osoan zehar, Garikoitz C. Murua graffitilariaren gidaritzapean.
Danena futbol zelaiaren kanpoko paretan egingo dute horma irudia. Muralaren bidez kirola, parekidetasuna eta euskara uztartuko dituzte. Ekimen koloretsua izango da eta bertan parte hartzera gonbidatuta daude 12-17 urte bitarteko herriko gaztetxoak.