Gizpukoako Azkartasuneko Sega Txapelketa jokatuko da ekainaren 24ean, igandean, Zizurkilen. 18:30etik aurrera gizon emakumeak ariko dira lehian, txapelaren bila. Gizonezkoetan hamaika segalarik eman dute izena. Horietatik sei eskualdekoak dira. Egin beharreko lana ondorengoa izango da: 100 metro karratuko sail bat moztea. Lau azkarrenek bigarren sail bat moztu beharko dute. Horien artean erabakiko da Gipuzkoako txapelduna.
Emakumeek 50 metro karratuko bi sail moztu beharko dituzte. Bi segalari bakarrik ariko dira lehian: Alatzne Etxaburua zizurkildarra eta Alaitz Imaz hernialdetarra.
GIPUZKOAKO KANPORAKETA
Estilo klasikoan, hau da, nork kilo gehien moztu modalitatean, Gipuzkoako Txapelketa igandean hasi ziren jokatzen. Kanporaketa Urnietan izan zen, eta bertatik lau segalari finalistak atera ziren. Kanporaketa bi multzotan jokatu zen. Lehen multzoan Jokin Etxeberria izan zen kilo gehien moztu zituena, 1.889. Andoni Goikoetxea geratu zen bigarren, 1.759 kilorekin. Hirugarrena Urki izan zen, Goikoetxeak baino 18 kilo gutxiago bilduta. Iazko txapelduna, beraz, aurten ez da finalean egongo.
Bigarren multzoan Julen Gabirondo izan zen belar gehien moztu zuena, 1.518 kilorekin. Igor Esnaola bigarren geratu zen, 1.447rekin.
Lau finalistak, beraz, hauek izango dira: Jokin Etxeberria, Andoni Goikoetxea, Julen Gabirondo eta Igor Esnaola. Finala uztailaren 8an, igandean, Asteasuko Bulano baserriko belardietan jokatuko da.
Kanporaketan segalariak ordu erdiko denboraren barruan aritu baldin baziren, finalean ordubeteko lana egin beharko dute.
GIPUZKOAKO AZKARTASUNEKO SEGA TXAPELKETA
Gizonezkoak
100 metro karratu
Peio Argaia (Zizurkil)
Igor Esnaola
Jokin Etxeberria (Amasa)
Julen Gabirondo
Jokin Garmendia (Baliarrain)
Andoni Goikoetxea (Gaztelu)
Suharri Irazustabarrena
Mikel Lizartza (Tolosa)
Iñigo Mercader
J. M. Ormaetxea 'Urki' (Orendain)
Iban Pardo
Emakumeak
50 metro karratuko bi sail
Alatzne Etxaburua (Zizurkil)
Alaitz Imaz (Hernialde)