Lourdes Colomo zizurkildarrak 32 minutu eta 11 segundo behar izan zituen helmugara iristeko, 9 kilometro egin ostean. Nerea Mujika Arregi zarauztarra bigarren izan zen, 00:33:51ko denbora eginda. Hoki Gerrero Moriana hernaniarrak osatu zuen podiuma, Mujika baino bi segundo geroago helmugaratuta.
Bestalde, Iosune Alberdi Urrutia berrobitarra zazpigarren izan zen sailkapen nagusian, 00:35:31ko denbora eginda.
Gizonezkoen mailan, Martin Amilibia Aranburu zumaiarra izan zen azkarrena, 9 kilometroak 00:26:30ean eginda. Ibai Alba hernaniarra izan zen bigarren, eta Victor Madejon irundarra hirugarren. Eskualdeko lehena Dani Eloikili zizurkildarra izan zen, hamargarren, 00:29:31ko marka eginda.
