Gaur, 2018ko maiatzaren 22an, aurkeztu diete Pedro Mari Otaño herri eskolako, Zubimusu ikastolako eta San Millan eskolako ikasleek udal ordezkariei eta teknikariei Eskola Agenda 21en baitan egindako lana.
2017-2018 ikasturtean klima aldaketa landu dute ikasgelatan eta lanketa egin ondoren, zenbait konpromiso hartu eta eskaera batzuk egin dizkiote udalari.
Hurrengo konpromisoak hartu dituzte ikasleek: paper txuri gabeko eguna ospatzea, inguruko azoketan gehiago erostea eta kotxea gutxiago erabiltzea. Udalari egin dizkioten eskaerak, berriz, honakoak izan dira: lurzoru naturaletan ez eraikitzea, autobus gehiago eta merkeagoak jartzea eta azoka egun bat jartzea edota maiztasun bat zehaztea (astero, hilean bitan ala behin...).
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
