Alebinetan, nesketan, lehenengoa Izaro Etxarri (Andoain) eta bigarrengoa Eneritz Goikoetxea (Limousin) izan dira. Mutiletan, lehenengoa Amets Mujika (Ampo) eta bigarrengoa Oihan Amilibia (Andoain) izan dira. Infantil mailara dagokionez, nesketan Amaia Astarloa (Limousin) eta Arene Perez (Ampo) izan dira lehen eta bigarren. Mutiletan, Urko Vidal (Limousin) eta Eneko Arozena (Limousin) izan dira bi azkarrenak.
Zizurkilen jokoan izan da txirrindularien Eskola Artekoen II. Lasterketa, tarteka euria gogor ari zuela. Bertan haurren lasterketa herrikoia egin da, eta alebin zein infantilen proba. Tolosaldeko eta Goierriko txirrindulariek hartu dute parte.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!