Zizurkilgo Udalak joskintza tailer berezia antolatu du maiatzaren 26 eta ekainaren 2, 9, 16 eta 20rako Tailerra 09:00etatik 13:00etara izango da eta 30 euroko balioa izango du. Izen emateak, maiatzaren 4a baino lehen egin behar dira Zizurkilgo udal bulegoetan, 943 69 10 12 telefonoan.
Moda, jabekuntza feministarako tresna ere badela sinistuta, gorputz ikusezinak ikustarazteko joskintza tailerra izango da. Helburu hauek izango ditu ikastaroak: gure gorputzaz jabetu eta gozatzea; gure sormena jostea eta gorpuztea (formetan, koloreetan, ehunean...), gure izaera, pentsamenduak, emozioak aldarrikatzen dituzten jantziak josten eta pertsonalizatzen ikasiko dute; eta moda jasangarria janztea.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!