Azaroaren 23an, ostegunean, Atxulondo kultur etxean egingo dute aurkezpena 19:00etan eta Pagamuño auzoan dagoen Elbarrenako eskolaren inguruko lana eta Arantzazuko amaren elizan apaiz egondako Bartolome Auzmendiren artxibo dokumentala aurkeztuko dituzte.
Espainiako II. Errepublika garaian, 1933ko azaroaren 23an inauguratu zuten Elbarrenako eskola. Hernandorena kultur elkarteak, eskola sortu bitarteko urteak aztertu ditu eta 1936ko estatu kolpera bitarteko garaira arte jasotakoak bildu ditu ikerlanean.
Horrekin batera, Bartolome Auzmendi apaizak Zizurkilgo baserri, herriko jai, irteera, ezkontza eta jaunartzeetan ateratako argazkiak digitalizatu ditu elkarteak eta baita 20 alez osatutako bideoteka berreskuratu.
Lan horiek denak Hernandorenaren webgune osatuan jasota geratu dira eta osteguneko aurkezpenean horren inguruko argibideak emango dituzte elkarteko kideek.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
