Aizkolari bakoitzak bi kana-erdiko, bi 60 ontzako eta bi oinbiko ebaki behar izan zituen; finalean izango duten lanaren erdia, hain zuzen ere.
Iker Vicentek lortu zuen lehen postua, eta 17 minutu eta 55 segundo behar izan zituen; bigarren Mikel Larrañaga sailkatu zen, bederatzi segundora, eta hirugarren Azurmendi (18 minutu eta 5 segundo). Segidan, Mugertza II.a (18.29), Atutxa (18.39), Otaegi (18.59), Alberdi (19.36), Rekondo (19.55), Otaño (20.40) eta Irazu (21.40) sailkatu ziren.
Finala urriaren 15ean jokatuko dute, Donostian.