Etxaburua eta Esnaola bigarren, Euskal Herriko Txapelketa mistoan

Tolosaldeko Ataria 2017ko abu. 30a, 11:25
Irudian, Esnaola eta Etxaburua, Astondoaren aurka jokatutako apustua irabazi ondoren.

Igandean jokatu zen Euskal Herriko txapelketa mistoa. Alatzne Etxaburua zizurkildarra eta Igor Esnaola legorretarra bigarren postuan sailkatu dira, Itsaso Ontsalo eta Mikel Eugiren atzetik. 

Ontsalok eta Eugik irabazi zuten igandean mistoen Euskal Herriko finala. Emozio handiko finala izan zen, oso gertu ibili baitziren Etxaburua eta Esnaola. Bikote bakoitzak etzanda jarritako 45 ontzako enborrari 15 epai eman behar izan zizkion. 

Eugi eta Ontsalo ziren faborito, eta hasieratik bukaerara oso lan ona egin zuten. Lan guztiak burutzeko, 5 minutu eta segundo bat behar izan zituzten, Etxaburuak eta Esnaolak baino 54 segundo gutxiago: 5 minutu eta 5 segundo behar izan zituzten zizurkildarrak eta legorretarrak. 

Podiuma Etxabarriak eta Kañamares V.ak osatu zuten: 6 minutu eta 28 segundoan amaitu zuten beren lana. Atzetik, Izkue eta Kañamares IV.a (6:38), Egurrola eta Zubizarreta (7:33) eta Batirtze eta Arkaitz Ispizua (7:41) sailkatu ziren.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!