Atzo egin zuten inaugurazio ekitaldia eta tea eta datilak dastatzeaz gain, Ortiz de Muruak marrazketa saioa eskaini zuen boligrafismo teknika baliatuta. Horrekin batera, photocall-a ere prestatu zuten saharar jantziekin.
Maiatzak 20 elkarteak, aurten, Oporrak Bakean programaren barruan 11 haur ekarriko ditu Saharatik, errefuxiatu kanpamentuetatik eta lurralde liberatuetatik Tolosaldera. Ume horien bidaia eta hemengo egonaldian izango dituzten gastuak estaltzeko ekimenen barruan kokatzen da Amasahara. Erakusketan ikusgai dauden irudiekin materialak egin dituzte (argazkiak tamaina ezberdinetan, postalak, koadernoak, artelanak...) eta salgai daude. Bildutako diru guztia Maiatzak 20 elkartearen ekimenera bideratuko da.