Zizurkilgo Udalak Oporretan Euskaraz udaleku irekiak antolatu ditu, haurren artean euskararen erabilera sustatzeko asmoz. 2005-2013 urteen artean jaiotako umeek eman dezakete izena, ekainaren 26tik uztailaren 21era bitartean egingo diren udalekuetan.
Lehenengo seme-alabaren kuota 80 eurokoa da, eta bigarrenarena 40 eurokoa.
Izena emateko epea zabalik egongo da maiatzaren 26ra bitartean. Horretarako, Zizurkilgo Udalaren Ernio Bidea 9A behea helbideko udal bulegoetara joan behar da. Zizurkilgo Udalak Zizurkilen erroldatutako ume guztiak onartuko ditu, epe barruan izena emanez gero.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!